Hotel Service Provision

የጤና ሚኒስቴር አሸናፊ ሆኖ ከሚመረጥ አንድ ሆቴል ጋር ለአንድ አመት ፀንቶ በሚቆይ ዋጋ የማዕቀፍ ስምምነት መፈራረም ይፈልጋል

የግዥ ጨረታ ማስታወቂያ

የጨረታ ቁጥር፡- ብጨ /ግኬቲ/ኮከብ-4-5/አስ/08-2013

የጤና ሚኒስቴር በአዲስ አበባ ከተማ ለሚያዘጋጃቸው ሥልጠናዎችና ወርክሾፖች ለአንድ ዓመት ፀንቶ በሚቆይ ዋጋ የመሰብሰቢያ አዳራሽና የሆቴል መስተንግዶ አገልግሎት ግዥ ለመፈጸም አዲስ አበባ ከተማ የሚገኙ ባለ 4 ወይም ባለ 5 ኮከብ ሆቴሎችን በግልጽ ጨረታ በማወዳደር ከሚወዳደሩ ሆቴሎች ውስጥ ከዚህ ቀጥሎ በሰንጠረዥ እንደተመለከተው አሸናፊ ሆኖ ከሚመረጥ አንድ ሆቴል ጋር ለአንድ አመት ፀንቶ በሚቆይ ዋጋ የማዕቀፍ ስምምነት መፈራረም ይፈልጋል፡፡

ተራ ቁጥር

የሆቴሎች ደረጃ

የግዥው ዓይነት

የአገልግሎት ጊዜ እና የውል

ዋጋ የሚፀናበት ጊዜ

የጨረታ ማስከበሪያ

መጠን በብር

1

ኮከብ 4 ወይም

ኮከብ 5

የመሰብሰቢያ አዳራሽ

እና የሆቴል መስተንግዶ

አገልግሎት ግዥ

የውል ስምምነት ከሚፈረምበት ቀን ጀምሮ ለአንድ ዓመት

20,000.00

በዚህ ጨረታ ላይ የሚሳተፉ ኮከብ 4 ወይም ኮከብ 5 ሆቴሎች ከዚህ በታች የተጠቀሱትን መመዘኛዎች ማሟላት አለባቸው፡፡

  1. የታደሰ የንግድ ፈቃድ፣ የአቅራቢነት ምዝገባ የምስክር ወረቀት፣ በጨረታ ለመሳተፍ የሚያስችል ከግብር ሰብሳቢ መ/ቤት የተሰጠ የድጋፍ ደብዳቤና የVAT ሰርተፍኬት ማቅረብ ይኖርባቸዋል፡፡
  2. ተጫራቾች የሆቴላቸውን የኮከብ ደረጃ የሚያሳይ ማስረጃ ማቅረብ ያለባቸው ሲሆን ማስረጃውም ከሆቴልና ቱሪዝም መ/ቤት ወይም ከሚመለከተው የመንግሥት አካል የተሰጠ መሆን ይኖርበታል፡፡
  3. ከግብር ሰብሳቢ መ/ቤት የተሰጠ የታክስ ክሊራንስ ቢያንስ እስከ ጨረታው መክፈቻ ዕለት ድረስ የሚያገለግል መሆን የሚኖርበት ሲሆን የመጠቀሚያ ጊዜ ያለፈበትን የታክስ ክሊራንስ የሚያቀርብ ሆቴል ከጨረታው ይሰረዛል፡፡
  4. ሆቴሎች የሚያቀርቧቸው ማስረጃዎች ጨረታው ከመከፈቱ አስቀድሞ ከሚመለከታቸው የመንግሥት አካላት የተገኙ መሆን የሚኖርባቸው ሲሆን ከጨረታው መክፈቻ ቀን በኋላ የተገኘ ማንኛውም ማስረጃ ተቀባይነት የለውም፡፡
  5. ተጫራቾች የመጫረቻ ሰነዳቸውን እስከ ጨረታው መዝጊያ ዕለት ከቀኑ 8፡00 ሰዓት ድረስ በሚኒስቴር መ/ቤቱ ብሎክ A 2ኛ ፎቅ ላይ በሚገኘው ፋይናንስና ግዥ ዳይሬክቶሬት ቢሮ በተዘጋጀው የጨረታ ሳጥን ውስጥ ማስገባት አለባቸው::
  6. ተጫራቾች ለጨረታ ማስከበሪያ ብር 20,000.00 (ሃያ ሺህ ብር) CPO ወይም ከሰኔ 2002 ዓ.ም ጀምሮ ሥራ ላይ በዋለው የግዥ አፈጻጸም መመሪያ ላይ የተፈቀደውን ማንኛውንም የዋስትና ዓይነት ከመጫረቻ ሰነዳቸው ጋር ማቅረብ አለባቸው፡፡ ኢንሹራንስ ቦንድና ቼክ ተቀባይነት የላቸውም፡፡
  7. ጨረታው ታኅሣሥ 15 ቀን 2013 ዓ.ም ከቀኑ 8፡00 ሰዓት ተዘግቶ በዚሁ ዕለት ከቀኑ 8፡30 ሰዓት በጨረታ መክፈቻ ሥነሥርዓት ላይ ለመገኘት የሚፈልጉ ተጫራቾች ወይም ሕጋዊ ወኪሎቻቸው በተገኙበት በሚኒስቴር መ/ቤቱ ብሎክ A 2ኛ ፎቅ ላይ በሚገኘው በፋይናንስና ግዥ ዳይሬክቶሬት ይከፈታል፡፡
  8.  መ/ቤቱ ጨረታውን በከፊል ወይም ሙሉ በመሉ የመሰረዝ መብቱ የተጠበቀ ነው፡፡
  9. ማንኛውንም ማብራሪያ በአካል በመቅረብ ወይም በስልክ ቁጥር፡- 0115 15 09 93 በመደወል መጠየቅ ይቻላል፡፡

አድራሻ፡- ሠንጋ ተራ ጐማ ቁጠባ ፊት ለፊት

የጤና ሚኒስቴር አዲስ አበባ